Վրաց-ռուսական Լարսի անցակետ տանող ճանապարհը բաց է թեթև մարդատար ավտոմեքենաների համար: Կցորդով և կիսակցորդով տրանսպորտային միջոցների համար սահմանափակումներ են գործում:
Վրաստանի ավտոճանապարհների դեպարտամենտի փոխանցմամբ՝ վատ եղանակի պատճառով (առատ ձյուն, քամի) միջազգային նշանակության Մցխեթա-Ստեփանծմինդա-Լարս ավտոճանապարհի Գուդաուրի-Կոբի հատվածում սահմանափակված է կցորդով և կիսակցորդով տրանսպորտային միջոցների երթևեկությունը, այլ տեսակի ավտոմեքենաների համար երթևեկությունն ազատ է:
«Շրջակա միջավայրի ազգային գործակալության տեղեկացմամբ՝ Ստեփանծմինդա-Լարս հատվածում երթևեկությունը կիրականացվի առանց կանգառի։ Նշված ռեժիմով տեղաշարժը կիրականացվի պարեկային ոստիկանության անմիջական հսկողությամբ և համակարգմամբ», — ասված է հաղորդագրության մեջ:
