«Վրաստանի երիտասարդ իրավաբանների ասոցիացիան» (GYLA) կոչ է անում ներքին գործերի նախարարությանը (ՆԳՆ) Բաթումիի դրոշակակիր Թեմուր Քաթամաձեի գործով դիմել դատարանին։
GYLA-ն կոչ է անում ժամանակավոր կալանավայրում Թեմուր Քաթամաձեի պահելու փոխարեն կիրառել այլընտրանքային միջոցներ՝ ստորագրություն, գրավ կամ երաշխավորություն։
Կազմակերպության հայտարարության համաձայն՝ Թեմուր Քաթամաձեի կալանավորումը, ըստ ՆԳՆ-ի միջնորդության` հիմնված է նրա փախուստի վտանգով, «սակայն Քաթամաձեն ունի մշտական բնակության վայր և եկամուտ Վրաստանում, ինչը հաստատված փաստ է»։
GYLA-ն կարծում է, որ հաշվի առնելով Քաթամաձեի առողջական վիճակը, անհրաժեշտ է նրան ազատ արձակել, որպեսզի նա կարողանա լիարժեք պաշտպանել իր իրավունքները։
«Գործողությունները, որոնք կապված են Թեմուր Քաթամաձեի արտաքսման հետ, հիմնված են ՆԳՆ միջնորդության վրա, թե Քաթամաձեի ժամանակավոր կալանավորումը պայմանավորված է փախուստի վտանգով։ Մասնավորապես, նախարարությունը պնդում է, որ Քաթամաձեն չունի մշտական բնակության վայր և եկամուտ։ Սակայն, այս պնդումը չի համապատասխանում իրականությանը», – նշված է տեղեկատվության մեջ։
GYLA-ն այս խնդրանքով դիմում է ՆԳՆ-ին՝ նշելով, որ ժամանակավոր կալանավայրում պահելու փոխարեն այլընտրանքային միջոցի կիրառման խնդրանքով դատարան դիմելու լիազորություն ունի նախարարությունը։
Հիշեցնենք. Թեմուր Քաթամաձեն ձերբակալվել է հունվարի 11-ին Բաթումիում ցույցի ժամանակ` Վրաստանի Քրեական օրենսգրքի 173-րդ հոդվածով( ոստիկանության պահանջին չենթարկվելը)։ Նրան դատապարտել են 5-օրյա կալանքի։ Երբ հունվարի 16-ին նա դուրս է եկել մեկուսարանից, կրկին ձերբակալվել է, և այժմ նրան Վրաստանից արտաքսում է սպառնում։
