Վրաստանի Գուրիայի շրջանում, որտեղ մի քանի օր անդադար ձյուն է տեղում, իսկ առատ ձյան պատճառով գյուղերը կտրված են արտաքին աշխարհից, Թբիլիսիից և այլ քաղաքներից կամավոր փրկարարներ են մեկնում։
Նրանց թվում է մոտոցիկլավար Գիորգի Գախելաձեն։ Ութ հոգուց բաղկացած խմբի հետ նա արդեն ճանապարհ է ընկել Թբիլիսիից հատուկ տեխնիկայով և չորս ձնագնացներով։ Ըստ նրա՝ արդեն գիտի, թե ուր է գնալու առաջինը Գուրիա ժամանելուց հետո:
«Գյուղում մի կին է աշխատում չորս մանկահասակ երեխաների հետ: Սնունդը սպառվում է։ Մենք պետք է անմիջապես հասնենք այնտեղ: Մի վանական էլ կա, որի ուտելիքը վերջացել է, իսկ վանքերից մեկում լույս չկա։ Մենք դեռ ճշգրիտ վայրը չունենք, բայց ճանապարհին կիմանանք: Տարեցներին նաև դեղորայք է առաքվում, մի քանի տարեցներ տարհանվում են անվտանգ տարածք», — ասել է Գախելաձեն՝ հավելելով, որ ամբողջ գիշեր աշխատելու են և բոլորին դուրս են բերելու:
Գուրիա են մեկնում նաև կամավորներ Քութաիսիից և Գորիից։ Քաղաքացիական ակտիվիստ Կոկա Ջախուտաշվիլին, որ այժմ գտնվում է Օզուրգեթիում, համակարգում է Գուրիա ժամանած կամավորներին։
Նշենք, որ վերջին օրերին Արևմտյան Վրաստանում ձյան առատ տեղումներ են: Ձյան առատ տեղումներից տուժել են նաև Աջարիայի, Սամեգրելոյի և Իմերեթիի շրջաններում։ Էլեկտրամատակարարումը խաթարված է. Բաթումիի օդանավակայանը ժամանակավորապես փակվել է:
Ըստ առկա տեղեկությունների՝ կան փլուզումներ, զոհեր և վիրավորներ:
