Վրաստանի նախագահ Գիորգի Մարգվելաշվիլին դեռևս չի հստակեցնում՝ կմասնակցի արդյոք նախագահական ընտրություններին:
«Արդյոք նախագահական ընտրություններ տեղի կունենա, և ինչ լիազորություններ կունենա նախագահը»,- հարցին նման պատասխան է տվել Մարգվելաշվիլին՝ ելույթ ունենալով «Palitranews» հեռուստաալիքի «360 աստիճան» հաղորդման ընթացքում:
Վրաստանի նախագահն անդրադառնալով սահմանդրության փոփոխությունների նախագծին, ցավով նկատել է, որ այդ գործընթացներին իր հետաքրքրվածությունը որպես «անձնական շահը» է ընկալվել:
«Ես չեմ հայտարարել, թե պատրաստվում եմ մասնակցել ընտրություններին, սակայն արդեն ասում են՝ չի հաղթի: Ես չգիտեի, որ նրանք (նկատի ունի «Վրացական երազանք»-ի անդամներին-խմբ․) իմ մասին ավելի տեղեկացված են…»,- հայտարարել է Գիորգի Մարգվելաշվիլին:
Հիշեցնենք՝ նախօրեին «Վրացական երազանք»-ի անդամ, խորհրդարանի իրավական հարցերով հանձնաժողովի ղեկավար Էկա Բեսելիան հայտարարել էր, որ սահմանդրական փոփոխությունների շուրջ նախագահի դիրքորոշումը վնասում է գործընթացին։
«Նախագահական ուղիղ ընտրության դեպքում Մարգվելաշվիլին հաղթելու որևէ շանս չունի»,-վստահեցրել է Բեսելիան, ում հայտարարության հետ համաձայնել են համակուսակիցներից շատերը:
Ի դեպ, եթե իշող կուսակցության կողմից առաջ քաշված սահմանդրության փոփոխությունների նախագիծը հաստատվի, Վրաստանում ժողովուրդը նախագահին ընտրելու հնարավորություն կունենա միայն 2018-ին։ Փոփոխությունների համաձայն՝ նախագահին կընտրի խորհրդարանը։
