Վրաստանից չվերահսկվող Հարավային Օսիայի (Ցխինվալի) շրջանին սահմանակից Էրգնեթի գյուղում ընթանում է Միջադեպերի կանխարգելման և արձագանքման մեխանիզմի (IPRM) շրջանակներում գործող աշխատանքային խմբերի 123-րդ հանդիպումը։
Օրակարգային հիմնական թեմաները դարձյալ ապօրինի բերման ենթարկվածների ազատ արձակումն ու «սահմանի» կառուցման գործընթացի դադարեցումն է։
Հանդիպումից առաջ Վրաստանի Պետական անվտանգության ծառայության վերլուծական դեպարտամենտի փոխտնօրեն Իրակլի Անթաձեն լրագրողներին ասել է, որ Էրգնետիի նախորդ հանդիպումից սկսած՝ նոյեմբերի 19-ից մինչ օրս, անօրինական «սահմանազատման» 11 դեպք է գրանցվել. նոյեմբերին` մեկ, դեկտեմբերին` երեք, հունվարին` երկու, իսկ փետրվարին` հինգ:
Ըստ նտա՝ գործընթացը ընդգրկել է Գորիի և Քարելիի մունիցիպալիտետները. հիմնականում իրականացվել է Քարելիի մունիցիպալիտետի Դվանի գյուղի մերձակայքը: Նրա խոսքով, ներկայում Ցխինվալիի բանտում անօրինական կերպով պահվող Վրաստանի 6 քաղաքացի կա։
Ժնևի միջազգային քննարկումների ձևաչափը ստեղծվել է 2008 թվականի օգոստոսյան պատերազմից հետո։ Նրա համանախագահներն են Եվրամիության, ՄԱԿ-ի և ԵԱՀԿ-ի հատուկ ներկայացուցիչները։ Քննարկումներին մասնակցում են Վրաստանի կառավարության, ԱՄՆ-ի, Ռուսաստանի, օկուպացված Աբխազիայի ու Ցխինվալիի շրջանների ներկայացուցիչներ։ 2009 թվականին Ժնևի քննարկումների շրջանակներում որոշվեց ստեղծել Միջադեպերի կանխարգելման և արձագանքման մեխանիզմ (IPRM):
