«Թբիլիսի էներջի» գազ մատակարարող ընկերության փոխանցմամբ՝ 150 հազար բաժանորդի համար Դիղոմի, Վաշլիջվարի, Թխինվալի, Լիսի, Վակե, Բագեբի, Նուցուբիձե և Սաբուրթալո շրջաններում գազամատակարարումը վերականգնվել է, որն անջատվել էր բնական գազի կենտրոնական գազատարի վթարի պատճառով։
Ընկերությունից հայտնել են, որ ներկայումս միացվում են այն հասցեների գազամատակարարումը, որտեղ գազը չի միացվել «անվտանգության կանոններին կամ տեխնիկական նորմերին համապատասխան»։
Թբիլիսիի որոշ թաղամասեր փետրվարի 9-ից գազաֆիկացված չէին։ Ընկերության տվյալներով՝ վնասվել էր Վակե-Սաբուրթալո շրջանը սնուցող 500 միլիմետրանոց խողովակաշարը։ Նրանց կարծիքով, պատճառը, հավանաբար, «երրորդ կողմի» պատճառած վնասն է։
Փետրվարի 10-ի առավոտյան ընկերությունը հայտարարություն էր տարածել, որում հայտնել էր, որ խողովակաշարի վնասված հատվածը վերանորոգվել է, գազը միացվել է։
