Այսօր առավոտյան հրդեհ է բռնկվել Թբիլիսիի Սամգորի թաղամասում գտնվող երկաթուղային պահեստի մոտ։

Հրդեհը պատել է մի քանի բեռնատար գնացքի վագոններ, որոնք երկար ժամանակ չէին շահագործվում։ Հրշեջներին հաջողվել է արագ մարել կրակը։ Միջադեպի հետևանքով ոչ ոք չի տուժել։

Միջադեպի պատճառներն անհայտ են։

Սամգորիում է գտնվում վրացական երկաթուղու կարևոր հանգույցը, որտեղ իրականացվում են գնացքների տեսակավորում և սպասարկում։

Այնտեղ բավական հաճախ են հրդեհներ բռնկվում լքված գնացքներում։ Նման դեպքեր գրանցվել են 2020 և 2021 թվականներին։