Թբիլիսիի քաղաքային դատարանը տույժեր է կիրառել փետրվարի 2-ին բողոքի ցույցի ժամանակ վարչական կալանքի տակ գտնվող ցուցարարների նկատմամբ։
Բողոքի ակցիայի մասնակիցներից մեկը՝ ակտիվիստ Լուկա Թեթրաձեն, որ ձերբակալվել էր դեպի Ռուսթավելի պողոտա երթի ժամանակ, տուգանվել է 2 հազար 500 լարիով։ Որոշումը կայացրել է Թբիլիսիի քաղաքային դատարանի դատավոր Զվիադ Ցեկվավան: Թեթրաձեն իր դեմ կայացված որոշումը անվանում է «անարդարություն» և «ահաբեկման փորձ»։
Բողոքի մեկ այլ մասնակցի՝ Լուկա Սարիշվիլիին դատավորը կողմից տուգանել է 2 հազար 400 լարիով։ Նրան ոստիկանությունը ձերբակալել էր փետրվարի 2-ին Tbilisi Mall առևտրի կենտրոնի շրջակայքում տեղի ունեցած ցույցի ժամանակ։
Դատավորը 2 հազար 500 լարիով տուգանել է նաև բողոքի ակցիայի մեկ այլ մասնակցի՝ Սերգի Գիգանիին։ 2000 լարի վարչական տուգանք է նշանակվել Մամուկա Դիասամիձեի նկատմամբ. նա պնդում է, որ ՆԳՆ հատուկ հանձնարարությունների վարչության պետ Զվիադ Խարազիշվիլին (հայտնի «Խարեբա» անունով) իրեն ոտքով հարվածել է Tbilisi Mall-ի մոտ բողոքի ակցիայի ժամանակ։
Վրաստանը տոտալիտարիզմի ճանապարհին է. փորձագետները բռնությունների մասին
