Ռուսթավելիի պողոտայում վերսկսվել է եվրոպամետ բողոքի ցույցը։

Արդեն 62-րդ օրն է, ինչ քաղաքացիները պահանջում են երկրում նոր ընտրություններ անցկացնել և ազատ արձակել հանրահավաքի ժամանակ բերման ենթարկվածներին։

Ցույցի մասնակիցներին հաջողվել է փակել ճանապարհը, իսկ Ռուսթավելիի պողոտայում մոբիլիզացված են ոստիկանական խմբեր։

Թբիլիսիում ընթանում է նաև արվեստագետների բողոքի ակցիան։ Արվետագետների պահանջները նույնպես անփոփոխ են։

Թբիլիսիից բացի, ակցիաներ են ընթանում նաև մարզերում։