Հունվարի 20-ին Վրաստանում սպասվում են ձյուն, ցրտահարություն և ուժեղ քամի։

Meteo.gov.ge-ի փոխանցմամբ՝ արևմտյան Վրաստանում կլինեն տեղումներ՝ առավելապես ձյան տեսքով, գիշերը` տեղ-տեղ առատ: Օդի ջերմաստիճանը հարթավայրում` ցերեկը +4, +9 աստիճան, լեռնային շրջաններում` 0, +5 աստիճան:

Արևելյան Վրաստանում ցերեկն առանձին հատվածներում սպասվում են տեղումներ, առավելապես ձյան տեսքով, բարձրադիր վայրերում՝ տեղ-տեղ բուք։

Քամին՝ արևմտյան՝ 10-15 մ/վրկ  արագությամբ, տեղ-տեղ հնարվոր է քամու ուժգնացում՝ 20-25 մ/վրկ: Օդի ջերմաստիճանը` հարթավայրերում ցերեկը կլինի +2, +7 աստիճան, լեռնային վայրերում 0, +5 աստիճան: