ԱՄՆ-ը ֆինանսական պատժամիջոցներ է կիրառել Վրաստանի ներքին գործերի (ՆԳ) նախարար Վախթանգ Գոմելաուրիի և Հատուկ առաջադրանքների վարչության փոխտնօրեն («Խարեբա»-ի տեղակալ) Միրզա Կեզևաձեի նկատմամբ: Այս որոշումը հրապարակվել է ԱՄՆ ֆինանսների նախարարության կայքում։

Մասնավորապես, Գոմելաուրին և Կեզևաձեն ընդգրկվել են ԱՄՆ ֆինանսների նախարարության «Հատուկ նշված անձանց ցուցակում» (SDN List):

Հայտարարության մեջ ասված է, որ Վաշինգտոնի այս քայլը համաձայնեցվել է Մեծ Բրիտանիայի հետ, որը ևս այսօր պատժամիջոցներ է սահմանել Գոմելաուրիի և չորս այլ ուժերի դեմ։

«Այսօրվա գործողության արդյունքում վերը նկարագրված նշված անձանց պատկանող ողջ գույքն ու կապիտալը, որոնք գտնվում են Միացյալ Նահանգներում կամ պատկանում կամ վերահսկվում են ԱՄՆ-ի կողմից, սառեցված են և պետք է զեկուցվեն OFAC-ին (Օտարերկրյա ակտիվների վերահսկողության գրասենյակ- հեղ.)», — ասված է հաղորդագրությունում:

Վրաստանում եվրոպամետ բողոքի ցույցերի 22-րդ օրն է: Ցույցերի ընթացքում ոստիկանության աշխատակիցները բռնության են ենթարկել բազմաթիվ մարդկանց և՛ ձերբակալության ժամանակ, և՛ դրանից հետո։ Ծեծի են ենթարկել նաև լրագրողներին։

Բրիտանական պատժամիջոցներ ՆԳ նախարարի, «Խարեբա»-ի և այլ անձանց նկատմամբ