Բարձրագույն կրթության փորձագետները հայտարարություն են տարածել Վրաստանի բարձրագույն կրթության որակի կառավարման համակարգում ստեղծված խնդիրների մասին։ Ըստ նրանց՝ Վրաստանի բարձրագույն կրթական համակարգը կորցնում է իր անդամակցությունը որակի կառավարման երկու եվրոպական կազմակերպությունների՝ Եվրոպական որակի ապահովման ռեգիստրի (EQAR) և Բարձրագույն կրթության որակի ապահովման եվրոպական ասոցիացիային (ENQA):
Կրթության փորձագետների կարծիքով՝ ENQA-ին անդամակցության կորուստը և Վրաստանի բարձրագույն ուսումնական հաստատությունների (ԲՈՒՀ) EQAR-ում գրանցման չեղարկումը նշանակում է.
- Վրաստանի բարձրագույն կրթության որակի ապահովման համակարգը այլևս չի համապատասխանում եվրոպական չափանիշներին, ինչը բացասաբար է կանդրադառնա մեր կրթական համակարգի հեղինակության, նրա նկատմամբ վստահության և երկրի միջազգային հեղինակության վրա:
- Վրաստանի ԲՈՒՀ-երի կողմից իրականացվող կրթական ծրագրերի որակի հուսալիությունը կասկածի տակ կդրվի, իսկ արտերկրում ուսանողների և շրջանավարտների կրեդիտների ու դիպլոմների ճանաչումը խնդրահարույց կդառնա, հատկապես՝ Եվրամիության և Բոլոնիայի գործընթացի անդամ երկրներում/Միացյալ Եվրոպական կրթական տարածքում:
- Վտանգված կլինեն Վրաստանի ԲՈՒՀ-երի կողմից իրականացվող և՛ ընթացիկ, և՛ նախատեսվող համատեղ միջազգային կրթական ծրագրերը, որոնք շրջանավարտներին , այսպես կոչված՝ կրկնակի գիտական աստիճան են շնորհում:
- Բարձրագույն կրթության միջազգայնացման, այդ թվում՝ միջազգային շարժունակության և համագործակցության այլ տեսակների, ինչպես նաև միջազգային ուսանողների ներգրավման ցուցանիշները կտրուկ կվատթարանա։ Սա բացասաբար է լանդրադառնա ինչպես ուսուցման որակի, այնպես էլ բարձրագույն ուսումնական հաստատությունների եկամուտների վրա։
Կրթության որակի ազգային կենտրոնի անդամակցությունը կասեցնելու որոշմանը նախորդել է 2024 թվականի ապրիլին որակի կառավարման եվրոպական ասոցիացիայի գնահատականը։ Այն ժամանակ ENQA-ի փորձագիտական խումբը հայտնաբերել էր որակի ապահովման եվրոպական չափանիշների խախտում։ Մասնավորապես, նշվել է կրթության որակի զարգացման կենտրոնի անկախ և ինքնավար գործունեության մեջ քաղաքական ազդեցության առկայությունը, որի շրջանակներում որակի ապահովման համակարգը օգտագործվում է որպես բուհերի վրա քաղաքական ճնշման մեխանիզմ:
