Վրաստանում պատգամավորական մանդատ ստացած խորհրդարանականի լիազորությունները հաստատելու կամ վաղաժամկետ դադարեցնելու հարցը որոշում է խորհրդարանը։ Լիազորությունների դադարեցման որոշումը կարող է բողոքարկվել Սահմանադրական դատարանում։

Սահմանադրական հայցը ներկայացվում է խորհրդարանի համապատասխան որոշումն ուժի մեջ մտնելուց հետո երկշաբաթյա ժամկետում։

Վրաստանի Սահմանադրության և խորհրդարանի կանոնակարգի համաձայն՝ Խորհրդարանի անդամի լիազորությունները վաղաժամկետ դադարեցվում են, եթե նա.

1. Լիազորությունները դադարեցնելու մասին անձնական հայտարարությամբ դիմում է խորհրդարանին
2. զբաղեցնում է կարգավիճակին անհամատեղելի պաշտոն կամ զբաղվում է անհամատեղելի գործունեությամբ
3. Իրավաչափ պատճառով չի ներկայացել հաջորդ նիստերի կեսից ավելիին
4. հայտնի է որպես մեղավոր դատարանի օրինական ուժի մեջ մտած դատավճռով
5. Դատարանի կողմից ճանաչվել է որպես անհայտ կորած կամ մահացած.
6. կորցրել է Վրաստանի քաղաքացիությունը:

Նշենք՝ «Կոալիցիա փոփոխությունների համար»-ը պաշտոնապես դիմել է Վրաստանի խորհրդարան մանդատներից հրաժարվելու հարցով։ «Միասնություն-ազգային շարժման» անդամները, ինչպես նաև «Ուժեղ Վրաստան»-ը նույնպես պատրաստվում են վայր դնել մանդատները:

Երեկ` Կենտրոնական ընտրական հանձնաժողովը (ԿԸՀ) երեք ընդդիմադիր կոալիցիաների պաշտոնական բողոքարկումից հետո չեղարկել է նրանց ներկայացրած ընտրական ցուցակները: Դրանք վրաստանյան չլեգիտիմացված խորհրդարան անցած երեք ընդդիմադիր կոլաիցիաներն են՝ «Ուժեղ Վրաստան»-ը, «Կոալիցիա փոփոխությունների համար»-ը և «Միասնություն — Ազգային շարժում»-ը:

Հիշեցնենք նաև, որ 2020 թվականի հոկտեմբերի 31-ի ընտրություններից հետո ևս, երբ ԿԸՀ-ն դեկտեմբերի 3-ին կայացած նիստում ամփոփեց ընտրությունների վերջնական արդյունքները՝ ընդդիմադիր կուսակցությունները վայր դրեցին իրենց մանդատները:

Խորհրդարանի առաջին նիստը կայացավ դեկտեմբերի 11-ին, որի ընթացքում դահլիճում միայն «Վրացական Երազանք»-ի 90 մանդատ ունեցող պատգամավորներն էին։