Վրաստանի հանրային պաշտպան Լևան Իոսելիանին հայտարարություն է տարածել, ըստ որի` ներքին գործերի նախարարությունը (ՆԳՆ) երբ սկսել է ձերբակալել Մելիքիշվիլիի պողոտայում երթի մասնակիցներին, հանրահավաքը եղել է խաղաղ և հավաքների ազատության չափանիշներին համապատասխան։
Օմբուդսմենը կոչ է արել ՆԳՆ-ին ապահովել ցուցարարների խաղաղ հավաքների ազատությունը, չմիջամտել լրագրողների գործունեությանը, խստորեն պահպանել անհրաժեշտության և համաչափության չափանիշները կալանավորման և հատուկ միջոցներ կիրառելիս։
Հանրային պաշտպանի խոսքով՝ հոգաբարձուները գնում են տեսակցելու ձերբակալված քաղաքացիներին։
«Հանրային պաշտպանի ներկայացուցիչներն այս պահին պատրաստվում են այցելել 2024 թվականի նոյեմբերի 19-ի առավոտյան բերման ենթարկված քաղաքացիներին։ Նրանց թվում են այն քաղաքացիները, որոնք, ըստ տեղեկությունների, մարմնական վնասվածքներ են ստացել և տեղափոխվել կլինիկաներ։
Հանրային պաշտպանը կոչ է անում ՆԳՆ-ին ապահովել ցուցարարների խաղաղ հավաքների ազատությունը, չխոչընդոտել լրագրողների գործունեությանը, խստորեն պահպանել անհրաժեշտության և համաչափության չափանիշները կալանավորման և հատուկ միջոցներ կիրառելիս»,- ասված է հայտարարության մեջ:
Հանրային պաշտպանը նաև կոչ է արել Հատուկ քննչական ծառայությանը՝ լրագրողների/ցուցարարների նկատմամբ հնարավոր հանցագործության նախանշաններով հետաքննել յուրաքանչյուր դեպք և տեղեկացնել հանրությանը։
