«Վերադարձնենք մեր քվեն». նոյեմբերի 13-ի ժամը 12:30-ից այս կոչով կանանց բողոքի ցույց է մեկնարկել Վրաստանի կենտրոնական ընտրական հանձնաժողովի (ԿԸՀ) մոտ:

Տարբեր ընդդիմադիր կուսակցությունների և քաղաքացիական կազմակերպությունների կին ներկայացուցիչներ, ինչպես նաև կին քաղաքացիներ հավաքվել են ԿԸՀ-ի մոտ, բողոքել կեղծված ընտրությունների դեմ, դիմել ԿԸՀ-ին՝ բացահայտված խախտումների պատճառով ընտրական վարչությունը չպետք է ընդունի ամփոփ արձանագրությունները։ Հայատարարել են՝ ԿԸՀ-ն երկրում պետք է նշանակի նոր ընտրություններ, որոնք կանցկացվեն առանց կեղծիքների և ճնշումների։

ԿԸՀ-ի մոտ հանրահավաքից հետո կանայք երթ են սկսել՝ Աղմաշենեբելիի նրբանցքով, որտեղ ոստիկանները փորձել են նրանց ստիպել շարժվել դեպի ճանապարհի աջ եզրը։ Սակայն կանանց երթը շարունակվում է, որը, կավարտվի Աղմաշենեբելի հուշարձանի մոտ։

Մինչ այդ Կենտրոնական ընտրական հանձնաժողովի հետ մոբիլիզացված ոստիկանները սահմանափակել են մասնակիցների մուտքը բակ, թույլ չեն տվել շենքի աշխատասենյակում հայտարարություններ թողնել։ Ի վերջո, 2 ժամ տևած աղմուկից հետո ցուցարարներին թույլ են տվել մտնել շենք և հայտարարություն թողնել։