Թբիլիսիի Նաձալադևի թաղամասում գտնվող մարզահամալիրում երեկ գիշերը բռնկված հրդեհը հաջողվել է լիկվիդացնել:
Հրդեհը տարածվել է մարզահամալիրի երկրորդ-երրորդ հարկերում, ինչպես նաև տանիքում, այրվել է սպորտային գույքը, հայտնել է Թբիլիսիի արտակարգ իրավիճակների կառավարման ծառայության գլխավոր բաժնի պետ Լևան Մուսելիանին։
Մուսելիանի խոսքով հրդեհի հետևանքով տուժողներ չկան։
«Օպերատիվ կառավարման կենտրոնից ստացված տեղեկատվության հիման վրա հրշեջներն ու փրկարարները ժամանակին արձագանքել են՝ ժամանելով հրդեհի վայր։ Հրդեհը մարվել է»,- ասել է Մուսելիանին։
