Վրաստանի կենտրոնական ընտրական հանձնաժողովն (ԿԸՀ) ավարտել է ընտրողների միասնական ցուցակի մշակման աշխատանքները. հոկտեմբերի 26-ի ընտրություններին ընդառաջ ընտրողների ընդհանուր թիվը 3 մլն 508 հազար 294 է։

Էլեկտրոնային տեխնոլոգիաների կիրառմամբ ընտրություններին կմասնակցի 3 մլն 113 հազար 747 ընտրող։

Այս տարի առաջին անգամ ընտրություններին մասնակցելու հնարավորություն ունի 135 հազար 922 երիտասարդ։

Շրջիկ քվեատուփով քվեարկելու համար դիմել է 64 հազար 238 ընտրող։

Արտերկրում ստեղծված ընտրատեղամասերի հատուկ ցուցակներում ընտրողների թիվը 95 հազար 910 է։

Ընդհանուր առմամբ ընտրողներին կսպասարկի 3 հազար 111 ընտրատեղամաս։ Արտերկրում ստեղծվել է 67 ընտրատեղամաս 42 երկրի 53 քաղաքներում։