Թբիլիսիի քաղաքային դատարանը մերժել է արտասահմանում լրացուցիչ ընտրատեղամասեր բացելու «Միացյալ ազգային շարժում»-ի և «Արդար ընտրություններ»-ի (ISFED) հայցը։
«Միացյալ ազգային շարժում» կուսակցության առաջնորդներից Թամար Կորձաիան ասել է, որ իշխանության բոլոր կառույցներն «արտառոց քայլերի են դիմում»՝ թույլ չտալու համար ներգաղթյալներին քվեարկել հոկտեմբերի 26-ի ընտրություններում։
«Այս շենքում՝ Թբիլիսիի քաղաքային դատարանում, ևս մեկ անգամ հաստատվեց, որ բոլոր մասնաճյուղերը լծված են Բիձինա Իվանիշվիլիի առաջադրանքի կատարման գործին։ Այսօր այստեղ՝ 28-րդ դահլիճում, Սալոմե Սամխարաձեն Մուսուրիձեի որոշումն է հաստատել մեր ներգաղթյալներից խլելու համար ընտրելու իրավունքը։ Նա չի չեղարկել ԿԸՀ որոշումը։
Երեկվա դատական նիստում հայցվոր կողմին թույլ չէին տալիս մտնել դահլիճ, քանի դեռ ինքս ուժի գործադրմամբ չմտա։ Ուստի ամեն ինչ հաստատում է, որ իշխանության բոլոր մասնաճյուղերն արտառոց քայլերի են դիմում, որպեսզի Վրաստանի քաղաքացիները չկարողանան կատարել իրենց ընտրությունը, չկարողանան պաշտպանել այն, բայց սա շատ ժամանակավոր է։ Հոկտեմբերի 26-ին նրանք միանշանակ շատ ծանր կավարտեն»,- ասաց Կորձաիան։
Սոցցանցում «Արդար ընտրությունների» տնօրեն Նինո Դոլիձեն գրել է, որ կազմակերպությունը կօգտագործի մանդատի շրջանակներում բոլոր իրավական մեխանիզմները՝ պաշտպանելու համար ընտրողների իրավունքները։
ԿԸՀ ներկայացուցիչ Գիորգի Սանթուրինը լրագրողներին ասել է, որ բոլոր քաղաքներում ստեղծվել են ԿԸՀ-ին արտաքին գործերի նախարարության տրամադրած ընտրական տեղամասերը։
«ԿԸՀ-ն շահագրգռված է այլ տարածքներում գտնվող մեր ընտրողներին քվեարկելու հնարավորություն տալու առումով, և առնվազն 65 հազար ընտրող կունենա դրա հնարավորությունը»,- ասել է նա։
Կենտրոնական ընտրական հանձնաժողովը 2024 թվականի խորհրդարանական ընտրությունների համար բացել է 60 տեղամաս 42 երկրներում։
Հանձնաժողովը պնդում է, որ այս տարի ավելի շատ տեղամասեր են բացվում, քան 2020 թվականին, այդ թվում՝ այն երկրներում, որտեղ ընտրատեղամաս չի եղել՝ Արաբական Միացյալ Էմիրություններ, Ֆինլանդիա, Կորեա, Ճապոնիա, Ավստրալիա։
