Թբիլիսիում տեղի է ունենում ՄԱԿ-ի Զբոսաշրջության համաշխարհային կազմակերպության (UN Tourism) միջոցառումը Զբոսաշրջության համաշխարհային օրվա կապակցությամբ:

Զբոսաշրջության համաշխարհային օրը նշվում է ամեն տարի սեպտեմբերի 27-ին։ Վրաստանն առաջին անգամ դարձավ միջոցառումը հյուրընկալող երկիր։ 2024 թվականի տոնի թեման է «Զբոսաշրջություն և խաղաղություն»:

Համաժողովին մասնակցելու համար Վրաստան են ժամանել ավելի քան 40 երկրների պատվիրակություններ: Նրանք միջազգային կազմակերպությունների ղեկավարներ են, օտարերկրյա կառավարությունների անդամներ, զբոսաշրջության ոլորտի առաջատար մասնագետներ և լրատվամիջոցների ներկայացուցիչներ:

Ֆորումի մասնակիցները կքննարկեն զբոսաշրջության զարգացման համաշխարհային միտումները և այդ ուղղությամբ երկրների միջև համագործակցության հարցերը: