Ասիական զարգացման բանկը (ԱԶԲ) Վրաստանի 2024 թվականի տնտեսական կանխատեսումը 5 տոկոսից բարձրացրել է 7 տոկոսի։

2025 թվականի աճի կանխատեսումն անփոփոխ է՝ 5,5 տոկոս:

Վրաստանում ծառայությունների և ներքին սպառման զգալի աճն արագացրել է երկրի տնտեսական առաջընթացը 2024 թվականին, ասված է ԱԶԲ զեկույցում։

«Վրացական տնտեսությունը շարունակում է կայուն զարգանալ՝ չնայած աշխարհաքաղաքական ռիսկերին։ Սա նպաստավոր միջավայր է  շարունակելու համար երկրում ամրապնդել տարածաշրջանային կապերը, աջակցել մասնավոր հատվածին, զարգացնել մարդկային կապիտալը և ներդրումներ կատարել գյուղատնտեսության մեջ», — ասել է ԱԶԲ Վրաստանի գրասենյակի տնօրեն Լեսլի Բիրման Լամը։

ԱԶԲ-ն նաև մատնանշել է երկրում ներքաղաքական անկայունության և աշխարհաքաղաքական ռիսկերը, որոնք կարող են ճնշում գործադրել փոխարժեքի վրա։