Ամերիկայի Միացյալ Նահանգները դադարեցրել է Իլիայի պետական համալսարանի Սեյսմիկ մոնիտորինգի ազգային կենտրոնի ֆինանսավորումը։ Այդ մասին հայտարարել է Սեյսմիկ մոնիտորինգի ազգային կենտրոնի ղեկավար Թեա Գոդոլաձեն:
«Ամերիկան դադարեցրեց Սեյսմիկ մոնիտորինգի կենտրոնի ֆինանսավորումը: Լուգարի լաբորատորիայից հետո մենք սպասում էինք, որ դա անխուսափելի կլինի»,- ֆեյսբուքյան էջում գրել է Գոդոլաձեն:
Գոդոլաձեի խոսքով, կենտրոնն այժմ աշխատում է սեյսմիկ վտանգի քարտեզի թարմացված տարբերակի վրա, որը ֆինանսավորել է ԱՄՆ-ը։ Նրա խոսքով, դրանց թվում` ԱՄՆ-ի տրամադրած միջոցներն օգտագործվել են մոնիտորինգի համակարգերի պահպանման համար, նաև իրականացվել են պահպանման համար պահանջվող աշխատանքների մեծ մասը։
Ըստ նրա՝ ԱՄՆ-ից ֆինանսավորման դադարեցումից հետո կենտրոնը կշարունակի աշխատել «ինքնուրույն», իսկ հետո անհրաժեշտ կլինի գտնել նոր ռեսուրսներ։
Ի դեպ, օգոստոսի 6-ին հայտնի դարձավ, որ դադարեցվել է Լուգարի լաբորատորիային և NCDC-ին մինչև 2 մլն լարիի ամերիկյան ֆինանսավորումը։ Մինչ այդ հայտնի էր դարձել, որ ԱՄՆ-ը դադարեցնում է Վրաստանի կառավարությանն ավելի քան 95 մլն դոլարի ուղղակի օգնությունը։ Որոշման պատճառը վրացական ժողովրդավարության անկումն է և «գործակալների օրենք»-ի ընդունումը:
