Անապահով ընտանիքներին օգնություն ցուցաբերող «Բարության հեղափոխություն» հիմնադրամը «գործակալների մասին» օրենքի պատճառով դադարում է գործել։ Կազմակերպության ֆեյսբուքյան էջում նշված է, որ հիմնադրամի լուծարուման գործընթացն արդեն մեկնարկել է։
«Որևէ մեկը չի կարող պնդել, թե օրենքը չի վնասում ֆիզիկական անձանց, այլապես առաջարկում են ծանոթանալ հիմնադրամի բոլոր շահառուներին.․. Հիմնադրամի լուծարման համար վճարել ենք 208 լարի, սակայն այս գումարով մենք կօգնեինք ևս մեկ ընտանիքի»,- ասված է հիմնադրամի հայտարարության մեջ։
Կազմակերպությունը գործում էր կամավորների ֆիզիկական աջակցությամբ. ինչ վերաբերում է ֆինանսական օգնությանը, 1200-ից 2000 լարի ամսական բյուջեն, որի միջոցով աջակցում էին մինչև հինգ ընտանիքի, ստացվում էր Եվրոպայից փոխանցված գումարներով։
ՀԿ-ից նշում են, որ երեք տարի շարունակ հիմնադրամն օգնել է շուրջ 400 ընտանիքի Վրաստանում։
