Ուսանողների կրթության հասանելիության ապահովման և ուսումը խթանելու նպատակով Վրաստանի կրթության, գիտության և երիտասարդության նախարարությունը (ԿԳԵ) սկսում է դիմումների ընդունումը սոցիալական ծրագրի շրջանակներում։
Պետական կրթական դրամաշնորհով ֆինանսավորվելու համար բակալավրիատի, ուսուցիչների վերապատրաստման ինտեգրված բակալավրի-մագիստրոսի, անասնաբուժության ինտեգրված մագիստրոսի, բժշկության/ստոմատոլոգիայի դիպլոմների հավատարմագրված կրթական ծրագրերով ուսանողները կարող են հայտ ներկայացնել սոցիալական ծրագրի շրջանակներում։
Հայտերն ընդունվում են 2024 թվականի սեպտեմբերի 6-ից մինչև սեպտեմբերի 26-ը էլեկտրոնային եղանակով, միայն առցանց գրանցման հիման վրա հետևյալ հղումով՝ http://socreg.mes.gov.ge :
2024 թվականին սոցիալական ծրագրի շրջանակներում ԿԳԵ-ն շարունակում է ֆինանսավորել 16 կատեգորիայի ուսանողների.
- բարձրլեռնային գյուղերի կարգավիճակ ունեցող դպրոցների շրջանավարտներ,
- ուսանողներ օկուպացված տարածքներից,
- տարածքային ամբողջականության համար մարտական գործողությունների հետևանքով զոհվածների երեխաները, ծանր/զգալի հաշմանդամություն ունեցող վետերանները կամ նրանց երեխաները,
- ծնողազուրկ (հայր-մայր) ուսանողներ,
- բազմազավակ ընտանիքի անդամներ (4 և ավելի երեխաներ),
- սոցիալապես անապահով ուսանողներ (ընտանիքի վարկանիշը 70 հազար և ցածր),
- պետական խնամքի տակ գտնվող ուսանողներ,
- ադրբեջանալեզու դպրոցների շրջանավարտներ,
- հայալեզու դպրոցների շրջանավարտներ,
- հայրենադարձի կարգավիճակ ստացած ուսանողներ,
- գրավյալ տարածքների հետ բաժանարար գծին հարող գյուղերի դպրոցների շրջանավարտներ,
- հաշմանդամություն ունեցող ուսանողներ,
- աուտիզմի սպեկտրի խանգարումներ ունեցող անձինք,
- Միջազգային խաղաղության և անվտանգության պահպանման և վերականգնման գործողությունների ընթացքում կամ այլ խաղաղարար գործողությունների իրականացման ժամանակ մահացած կամ այդ առաքելություններում ստացած առողջական վնասվածքների հետևանքով Վրաստանի պաշտպանության նախարարության զինծառայողների երեխաներ, խաղաղության գործողությունների իրականացման հետևանքով ընդգծված/զգալի հաշմանդամություն ունեցող անձինք կամ նրանց երեխաները,
- Վրաստանի ՊՆ համակարգում ծառայողական պարտականությունները կատարելիս զոհված զինծառայողների երեխաները,
- անձինք, որոնք Վրաստանի հանրակրթական ուսումնական հաստատությունում սովորելիս եղել են ԿԳԵ նախարարության կողմից իրականացվող «Ներառական կրթության խթանում» ծրագրի, «Սոցիալական ներառմամբ կրթություն ստանալու երկրորդ հնարավորություն» ենթածրագրի շահառուներ:
Ծրագրի մասին մանրամասն տեղեկատվությունը հասանելի է ԿԳԵ-ի պաշտոնական կայքում:
