Վրաստանում վերջերս ընդունված «գործակալների օրենքը» սպառնում է վրացական ժողովրդավարության հիմքին։ Այդ մասին գրված է «Մեդիայի ազատության կոալիցիա»-ի (MFC) տարածած հայտարարության մեջ:
Հայտարարության մեջ, որը ստորագրել են MFC անդամ 25 երկրներ, խորը մտահոգություն է հայտնում Վրաստանում ԶԼՄ-ների ազատության վատթարացման կապակցությամբ։
Ըստ հայտարարության՝ «օտար ուժի շահերը կրող կազմակերպություններ» գրանցվել կազդի բազմաթիվ լրատվամիջոցների և հասարակական կազմակերպությունների վրա, ովքեր կարևոր դեր են խաղում քաղաքացիական ներգրավվածության, մարդու իրավունքների պաշտպանության և լավ կառավարման գործում, ինչպես նաև Վրաստանի եվրաատլանտյան ինտեգրման ջատագովների համար:
«Նման «օտարերկրյա գործակալ» պիտակը, հնարավոր խիստ ֆինանսական տույժերի հետ մեկտեղ, լրջորեն կխաթարի նրանց գործունեությունը և բացասաբար կանդրադառնա խոսքի ազատության վրա:
Սա հատկապես մտահոգիչ է Վրաստանի ժողովրդավարության ապագայի համար, այդ թվում՝ Վրաստանի առաջիկա խորհրդարանական ընտրությունների համար։ Անկախ, քննադատական լրագրությունը ազատ, ներառական և ժողովրդավարական հասարակության էական հիմքն է: Քաղաքացիական հասարակության կազմակերպությունների համար համապատասխան միջավայրի ստեղծումն ու պահպանումը, ինչպես նաև լրատվամիջոցների ազատության պաշտպանությունը ժողովրդավարության հիմքն է»,- հայտարարության մեջ։
Բացի այդ, հայտարարությունը մտահոգություն է հայտնում Վրաստանում աշխատող լրագրողների և քաղաքացիական հասարակության ներկայացուցիչների նկատմամբ մշտական սպառնալիքների, ֆիզիկական հարձակումների և գույքի ոչնչացման առնչությամբ։
«Մենք դատապարտում ենք ցանկացած տեսակի ահաբեկում և բռնություն ազատ լրատվամիջոցների և քաղաքացիական հասարակության նկատմամբ։ Դրանք արդյունավետ և կայուն ժողովրդավարության անհրաժեշտ բաղադրիչներն են»,- ասվում է հայտարարության մեջ։
