Վրաստանի գլխավոր դատախազի պաշտոնում ընտրվելու համար խորհրդարան է ներկայացվել Գիորգի Գաբիտաշվիլիի թեկնածությունը:

Դատախազության խորհուրդը գլխավոր դատախազի թեկնածուների ընտրության երկրորդ փուլ անցած երեք թեկնածուներից՝ Գիորգի Գաբիտաշվիլի, Դարեջան Բուցխրիկիձե և Վիքտոր Ախալբեդաշվիլի, քվեարկության արդյունքում ընտրել է գլխավոր դատախազի պաշտոնակատար Գիորգի Գաբիտաշվիլիին։

Գաբիտաշվիլին ստացել է 11 ձայն, ինչը դատախազական խորհրդի ամբողջական կազմի երկու երրորդից ավելին է։ Անդամներից ոչ մեկը մյուս թեկնածուների օգտին չի քվեարկել։ Քվեարկությունը գաղտնի էր: Դատախազական խորհուրդը որոշումից հետո խորհրդարանին է ներկայացրել Գաբիտաշվիլիի թեկնածությունը։

Նոր գլխավոր դատախազին 6 տարի ժամկետով ընտրելու համար խորհրդարանում անհրաժեշտ է 76 պատգամավորի ձայն, իսկ խորհրդարանական մեծամասնությունը վերահսկում է ավելի քան 80 մանդատ։

Գլխավոր դատախազության թեկնածուների հետ հարցազրույցները տևել են մի քանի օր։

Գաբիտաշվիլին վերջին 11 տարիներին աշխատում էր որպես գլխավոր դատախազի տեղակալ։ Սակայն, իր 18 տարվա աշխատանքային ստաժի մի մասը նա կուտակել է նախկին իշխանությունների օրոք քննչական մարմիններում աշխատելու ընթացքում: Դատախազի պաշտոնակատարը հարցազրույցի հիմնական մասը նվիրել է իր աշխատասենյակը դրական լույսի ներքո ներկայացնելուն։

Հիշեցենք. գլխավոր դատախազի պաշտոնը թափուր է մնացել մայիսի սկզբին Իրակլի Շոթաձեի պաշտոնը լքելուց հետո։