Վրաստանի Եվրաինտեգրման հարցերով նախարարությունը Եվրամիություն-Վրաստան համաձայանգրի առիթով սկսած տեղեկատվական քարոզարշավի շրջանակներում հայերեն և ադրբեջաներեն լեզուներով կարճամետրաժ տեսանյութեր է հրապարակում։
Դրանցում ներկայացված են առանց վիզայի Եվրոպա մեկնելու պայմանները:
Առաջին տեսանյութում նախարարությունը տեղեկացնում է, թե Եվրոպա մեկնելու համար ինչ փաստաթղթեր են պետք, որ երկրներ են Շենգենյան գոտու անդամ և այլն։
Երկրորդ տեսանյութում նշված է, թե Վրաստանի քաղաքացիները ինչ նպատակներով կարող են եվրոպական երկրներ մեկնել, որքան ժամկետով։
Նախարարության ֆեյսբուքյան էջում այս պահին տեղադրված է երկու հայալեզու և երեք ադրբեջանալեզու տեսանյութ:
ԵՄ-Վրաստան վիզային ռեժիմի ազատականացման տեղեկատվական քարոզարշավի երկրորդ փուլի շրջանակներում մարտի սկսզբին հայտարարվել էր, որ Վրաստանի ազգային փոքրամասնությունները կտեղեկացվեն վիզայի ազատականացման մանրամասներին։
Հիշեցնենք՝ մարտի 1-ին Բրյուսելում ստորագրվել է Վրաստան-ԵՄ վիզային համաձայանգիրը։
