Այսօր՝ մայիսի 20-ին, Թբիլիսիում ընդդեմ «ռուսական օրենքի» երկու երթ է նախատեսված:

Ի դեպ, երկու երթն էլ մեկնարկելու է ժամը 18:00-ից՝ Թբիլիսիի տարբեր վայրերից: Երթի մեկնարկի և ավարտի վայրը՝ ստորև:

• Ավարտական ​​դասարանի աշակերտները կհավաքվեն կրթության, գիտության և երիտասարդության նախարարության մոտ և «Վերջին զանգը` ցույցով» խորագրի ներքո երթով կշարժվեն դեպի խորհրդարան:
• Ուսանողների մի մասը կհավաքվի Թբիլիսիի բժշկական համալսարանի մոտ, մյուս մասը՝ մետրոյի «Ծերեթելի» կայարանի մոտ, և «Ուսանողների երթ» խորագրով կշարժվեն դեպի խորհրդարան:

Հիշեցնենք, որ մայիսի 18-ին Վրաստանի նախագահ Սալոմե Զուրաբիշվիլին վետո է դրել «գործակալների մասին օրենքի» վրա:

Իշխող «Վրացական երազանքը» երրորդ ընթերցմամբ ընդունել է «ռուսական օրենքը»՝ հանրային լայնածավալ բողոքի ակցիաների և արևմտյան գործընկերների քննադատության ֆոնին։