Վրաստանի տեխնիկական համալսարանը չի աջակցի «Գործակալների օրենքի» դեմ ուսանողների դասադուլին. հանրահավաքի մասնակիցներին և համալսարան այցելած լրագրողներին ասել է ռեկտոր Դավիթ Գուրգենիձեն։
Տեխնիկական համալսարանն այն 36 բուհերի թվում է, որոնք հայտարարել են, որ «ցանկացած քաղաքական գործընթաց պետք է մնա ակադեմիական տարածքից դուրս»։
«Չի կարելի դասադուլ անել։ Սա ռուսական օրենք չէ։ Մենք չենք աջակցի ուսանողների դասադուլին», — ասել է Վրաստանի տեխնիկական համալսարանի ռեկտոր Դավիթ Գուրգենիձեն։
Ի դեպ, «Գործակալների մասին օրենքը» երրորդ ընթերցմամբ ընդունելու պատճառով Վրաստանում զանգվածային ցույցեր են անցկացվում։ Ուսանողները նույնպես ակցիաներ են կազմակերպում, նրանցից ոմանք դասադուլ են հայտարարել։
