Ստեղծագործական արդյունաբերության ներկայացուցիչները բոյկոտում են այն գործարարներին և նրանց վրա հիմնված բոլոր ընկերություններին, որոնք պաշտպանել են «գործակալների մասին օրենքը»: Հայտարարությանը միացել են ADHD, Betterfly, Enkeny Films, JWT Metro, Leavingstone, Playmakers, Redberry, Socialsharks, Q&A, Quick, Watergunz, Windfors ընկերությունները:

«Մեր ռեսուրսները չեն օգտագործվի կոլաբորացիոնիստ գործարարների և նրանց ընկերությունների համար»,- նշված է  Facebook-ում հրապարակված հայտարարության մեջ։

Նրանք հայտարարել են, որ չեն համագործակցի հետևյալ ապրանքանիշերի հետ.

• «Արքի»,
• CELFIE
• Wissol
• Wendy’s
• Dunkin’
• Smart
• Subway
• «Ջորջիան մանգանեզ»,
• «Միլդիանի»,
• «Աիջի դիվիլոփմենթ»,
• VR հոլդինգ
• KTW
• «Թեթրի կվադրատի»,
• «Անագի»,
• «Օրբի»:

Հիշեցնենք, վերջին 2 շաբաթվա ընթացքում Թբիլիսիում շարունակական, լայնածավալ բողոքի ցույցեր են ընթանում ընդդեմ «ռուսական օրենք» անվամբ հայտնի «գործակալների մասին օրենքի»։ Իշխանությունը ջրցան մեքենաներ, արցունքաբեր գազ, «պղպեղի սփրեյ» և ռետինե փամփուշտներ է օգտագործում խաղաղ ցուցարարների դեմ։ Մայիսի 1-ին խորհրդարանի մոտ տեղի ունեցած ցույցի ժամանակ տուժել է 11 մարդ, որոնցից 8-ը տեղափոխվել են կլինիկա։ Մայիսի 1-ի լույս 2-ի գիշերը Թբիլիսիում խորհրդարանի շենքի մոտ տեղի ունեցած ընդդեմ «գործակալների մասին օրենքի» ցույցերի ժամանակ 15 մարդ է հոսպիտալացվել։

«Վրացական երազանքը» երեկ լիագումար նիստում երկրորդ ընթերցմամբ ընդունել է «ռուսական օրենքը»։

Ցուցարարները խորհրդարանի մոտից շարժվում են Հերոսների հրապարակ