Վրաստանի նախկին վարչապետ Իրակլի Ղարիբաշվիլիի ընտանիքի եկամտի հիմնական աղբյուրը 2023 թվականին կրկին ծնողների տված գումարներն էին։ Այս մասին պարզ է դառնում Ղարիբաշվիլիի թարմացված հայտարարգրից, որը լրացվել է մարտի 23-ին։
Վրաստանի նախկին վարչապետը պարտավոր էր պաշտոնը թողնելուց հետո երկամսյա ժամկետում ներկայացնել գույքի նոր հայտարարագիր. նա չի խախտել օրենքով սահմանված ժամկետը։ Ղարիբաշվիլին հրաժարական է տվել հունվարի 29-ին։
Համաձայն թարմացված հայտարարության.
- 2023 թվականին, ինչպես նախորդ տարիներին, ծնողները գումար են տվել Ղարիբաշվիլիին։ Այս դեպքում՝ 150 հազար լարի,
- Ղարիբաշվիլիի աշխատավարձն անցյալ տարի կազմել է 45,1 հազար լարի. 14 հազար լարիով ավելի, քան 2022 թվականին։ Անցյալ տարի նրա միջին ամսական աշխատավարձը կազմել է 3 750 լարի:
- 2023 թվականի հոկտեմբերի 30-ից մինչև 2024 թվականի մարտի 23-ը նրան հաջողվել է իր խնայողությունները 40 հազար լարիից հասցնել 50 հազար լարիի։
Փաստաթղթում առանձին հատկացված է վարձակալված պետական ինքնաթիռի արժեքը՝ 2023 թվականի օգոստոսին Ղարիբաշվիլիի որդուն՝ Նիկոլոզ Ղարիբաշվիլիին ԱՄՆ սովորելու ուղարկելու համար։ Նիկոլոզ Ղարիբաշվիլիին Թբիլիսիից մասնավոր չվերթով Մյունխեն հասնելու և վերադառնալու համար վարչապետի ծնողները վճարել են 109 հազար 500 լարի։ Բացի այդ, Իրակլի Ղարիբաշվիլին նշում է, որ ընտանեկան ճանապարհորդությունն արժեցել է 20 հազար դոլար։
Հանրային ռեգիստրի տվյալներով, Վրաստանի նախկին վարչապետի հայրը՝ Տարիել Ղարիբաշվիլին, իշխող «Քարթուլի փեսվեբի» ՍՊԸ-ի 50 տոկոս բաժնետոմսերի սեփականատերն է։ Իրակլի Ղարիբաշվիլիի հայրը ընկերության կեսը գնել է 2023 թվականի փետրվարին՝ 200 հազար լարիով։ Ըստ ռեգիստրի՝ ընկերության գործունեության ոլորտներն են խաղողագործությունը, գինեգործությունն և այլն։ 2023 թվականին Տարիել Ղարիբաշվիլին հիմնադրել է նոր ընկերություն՝ «Ղարիբաշվիլիս մարանի» ՍՊԸ-ն։
Թարմացված հայտարարագրի համաձայն, պարզվում է նաև, որ ընտանեկան խնջույք կազմակերպելը վարչապետի ընտանիքի վրա նստել է 15 հազար լարի, նրանք երեխաների կրթության համար վճարել են 42 հազար 900 լարի, իսկ պետական անտառից օգտվելու համար՝ 6 255 լարի։ Իրակլի Ղարիբաշվիլիի վարչապետության օրոք նրա կինը՝ Նունուկա Թամազաշվիլին, իրավունք է ստացել 49 տարով Բակուրիանիում օգտագործել 5 958 քմ պետական անտառը։
2024 թվականի մարտի 23-ին լրացված վերջին հայտարարագրում բացակայում են նախկին վարչապետի թանկարժեք ժամացույցները, որոնց մասին radiotavisupleba նյութեր էր պատրաստել։
Հակակոռուպցիոն բյուրոն կուսումնասիրի Իրակլի Ղարիբաշվիլիի և հարյուրավոր այլ պետական ծառայողների հայտարարգրերը։ Հատուկ հանձնաժողովն ընտրել է 300 պետական պաշտոնյաների (նախարարներ, խորհրդարանի անդամներ, դատավորներ, քաղաքապետեր) «բարձր հանրային շահի և կոռուպցիայի բարձր ռիսկի պատճառով»:
