Վրաստանի խորհրդարանը 78 ձայնով հաղթահարեց նախագահ Սալոմե Զուրաբիշվիլիի վետոն, որը դրվել էր «Ընտրական օրենսգրքում» փոփոխություններ կատարելու մասին օրենքի նախագծի վրա։ Հարցը քննարկվել է մարտի 19-ի լիագումար նիստում, նույն օրը քվեարկություն է տեղի ունեցել։
Ուշագրավ է, որ Վրաստանի նախագահը օգտվել է Սահմանադրությամբ տրված իրավունքից և մարտի 5-ին վետո է դրել «Ընտրական օրենսգրքի» փոփոխությունների վրա։ Փետրվարի 20-ին խորհրդարանի ընդունած փոփոխություններով փոխվել է կենտրոնական ընտրական հանձնաժողովի (ԿԸՀ) նախագահի և մասնագիտական հիմքով ընտրված անդամների նշանակման կարգը, վերացվել՝ ԿԸՀ նախագահի ընդդիմադիր պատգամավորի պաշտոնը։
Վետոյի հաղթահարումից հետո փաստաթուղթը կուղարկվի Վրաստանի նախագահին՝ ստորագրման։ Եթե նա հրաժարվի ստորագրել, ապա օրինագիծը իրավական կշիռ կստանա խորհրդարանի նախագահի ստորագրությունից հետո։
