2023 թվականին Վրաստանի քաղաքացիները Եվրամիությունում ապաստանի 25 հազար 209 դիմում են ներկայացրել, ինչը 12 տոկոսով պակաս է 2022 թվականի ցուցանիշից (28 հազար 803)։

Եվրոպական միության ապաստանի գործակալության (EUAA) վերջին զեկույցի համաձայն, քննարկված դիմումների 96 տոկոսը մերժվել է, միայն 2 տոկոսն է ստացել փախստականի կարգավիճակ, իսկ 2 տոկոսը՝ օժանդակ պաշտպանություն։

2023 թվականին ԵՄ-ը ստացել է 1,1 միլիոն ապաստանի դիմում, ինչը 18 տոկոսով ավել է 2022 թվականի համեմատ և նման է 2015-16 թվականների միգրացիոն ճգնաժամին: Ամենահաճախը ապաստան են խնդրել սիրիացիները: 2023 թվականին նրանք 38 տոկոսով ավելի շատ դիմումներ են ներկայացրել (181 հազար) նախորդ տարվա համեմատ։ Աֆղանստանի քաղաքացիները երկրորդ տեղում են, թեև՝ նվազման միտում կա, և 2023-ին նրանք 11 տոկոսով ավելի քիչ հայտ են ներկայացրել, քան 2022-ին։

Չորրորդ եռամսյակում սկսված միտումով Թուրքիայի քաղաքացիները (101000)  82%-ով ավելի շատ դիմումներ են ներկայացրել նախորդ տարվա համեմատ։ Բոլոր դիմումների գրեթե մեկ հինգերորդը ներկայացվել է Շենգենյան տարածք առանց վիզայի մուտք ունեցող քաղաքացիների կողմից, ներառյալ վենեսուելացիները (68000) և կոլումբիացիները (63000):

Պարզ է դարձել նաև, որ ավելի շատ պաղեստինցիներ են ապաստանի դիմումներ ներկայացնում ԵՄ+-ում: 2023 թվականին դիմումների թիվը հասել է մոտ 11600-ի՝ երկու երրորդով ավելի, քան 2022 թվականին։

Եվրամիության երկրներից ապաստան ստանալու համար ամենահաճախ դիմում են Գերմանիային։