Փետրվարի 12-ից Վրաստանի Քվեմո Քարթլիի մարզի Մառնեուլիի շրջանում կմեկնարկեն «Աջակցություն գյուղին» ծրագրի շրջանակներում գյուղական ժողովներ-խորհրդակցությունները, հայտնում է Մառնեուլիի մունիցիպալիտետի ֆեյսբուքյան էջը:

«Աջակցություն գյուղին» ծրագրի համար 2024 թվականին կենտրոնական բյուջեից հատկացվել է 1 մլն 232 հազար լարի: Գումարը բաշխվել է գյուղերին՝ ըստ բնակչության թվի։ Յուրաքանչյուր գյուղի համար նվազագույն գումարը 10 հազար լարի է, իսկ առավելագույնը՝ 20 հազար լարի:

«Ալիք Մեդիա»-ն ներկայացնում է Մառնեուլիի շրջանի հայաբնակ գյուղերում կայանալիք հանդիպումների ժամանակացույցը՝ ըստ գյուղերի, ամիս-ամսաթվի, ժամի, հանդիպման վայրերի և գյուղին հատկացված գումարի չափի:

• Դամիա՝ փետրվարի 16-ին, ժամը 14:00, Դամիայի հանրային դպրոցի հարևանությամբ: Գյուղին հատկացվել է 12 հազար լարի։
• Շահումյան՝ փետրվարի 16-ին, ժամը 11։00, Շահումյանի թիվ 1 հանրային դպրոցի հարևանությամբ: Գյուղին հատկացվել է 20 հազար լարի։
• Կարմիրգյուղ՝ փետրվարի 19-ին, ժամը 11։00, Կարմիրգյուղի հանրային դպրոցի հարևանությամբ: Գյուղին հատկացվել է 16 հազար լարի:
• Խոժոռնի՝ փետրվարի 23-ին, ժամը 11։00, Խոժոռնիի հանրային դպրոցի հարևանությամբ։ Գյուղին հատկացվել է 16 հազար լարի։
• Բրդաձոր՝ փետրվարի 23-ին, ժամը 11։00, Խոժոռնիի հանրային դպրոցի հարևանությամբ: Գյուղին հատկացվել է 10 հազար լարի։
• Գյուլիբաղ՝ փետրվարի 23-ին, ժամը 12։00, Գյուլիբաղի հանրային դպրոցի հարևանությամբ: Գյուղին հատկացվել է 12 հազար լարի։
• Ծոփ՝ փետրվարի 23-ին, ժամը 13։00, Ծոփի հանրային դպրոցի հարևանությամբ։ Գյուղին հատկացվել է 16 հազար լարի։
• Աղքյորփի՝ փետրվարի 16-ին, ժամը 13։00, Աղքյորփիի միջոցառումների տան հարևանությամբ։ Գյուղին հատկացվել է 16 հազար լարի։
• Չանախչի՝ փետրվարի 16-ին, ժամը 12։00, Չանախչի գյուղի կենտրոնում: Գյուղին հատկացվել է 12 հազար լարի։
• Օփրեթ և Խոխմել՝ փետրվարի 16-ին, ժամը 15։00, Օփրեթ գյուղի աղբյուրի մոտ։ Յուրաքանչյուր գյուղին հատկացվել է 10 հազար լարի։
• Ծերաքվի՝ փետրվարի 26-ին, ժամը 12։00, Ծերաքվիի մշակույթի տանը: Գյուղին հատկացվել է 10 հազար լարի։
• Սիոնի՝ փետրվարի 26-ին, ժամը 13։00, Սիոնիի հանրային դպրոցի հարևանությամբ: Գյուղին հատկացվել է 10 հազար լարի։ Մյուս գյուղերի մասին՝ այստեղ:

Գյուղերի աջակցության ծրագրի շրջանակներում, տեղի բնակչության որոշմամբ, տարբեր գյուղերում հնարավոր է իրականացնել հետևյալ ծրագրերը.

• խմելու ջրի համակարգեր (ներառյալ` ջրատարներ, գլխամասային կառույցներ, մաքրման օբյեկտներ, հորեր և այլն),
• ոռոգման համակարգեր,
• ջրահեռացման համակարգեր,
• ամբարտակային աշխատանքներ,
• ճանապարհներ և ճամփեզրի սպասասրահներ, ինչպես նաև մայթեր և այլ ճանապարհային ենթակառուցվածքներ,
• կամուրջներ, ցանցեր, հետիոտնային կամուրջներ, անցումներ,
• ցերեկային լուսավորություն,
• դպրոցներին հարակից տարածքների բարեկարգում,
•  նախադպրոցական հաստատություններ և համապատասխան գույքագրում,
• ամբուլատոր շենքեր,
• գերեզմանատների ցանկապատում և բարեկարգում,
• սպորտային ենթակառուցվածքներ, խաղադաշտերի գույքագրում,
• հրապարակներ, այդ թվում՝ մանկական հրապարակներ՝ համապատասխան գույքագրմամբ, ինչպես նաև հանգստի վայրեր և սանհանգույցներ՝ համապատասխան գույքագրմամբ,
• ջրաղացների և համապատասխան գույքագրման վերականգնում,
• մինի ՀԷԿ-երի համապատասխան վերականգնում,
• ըստ աշխարհագրական օբյեկտների անվանումների և հասցեների՝ համապատասխան ցուցանակների, ինչպես նաև՝ զբոսաշրջային վայրեր մատնանշող ցուցանակների տեղադրում: