Վրաստանում գործող «Ալիք Մեդիա» լրատվական հարթակը հնարավորություն է ընձեռում անցնել լրագրողի երկամսյա մասնագիտական ստաժավորում:

• Մեր արհեստավարժ թիմը ձեզ կօգնի ընտրել թեմաներ, լրատվական նյութեր, պատրաստել հարցազրույցներ, օգտվել տվյալների բազաներից։ Պատրաստված լավագույն նյութերը կհրապարակվեն aliq.ge կայքում։

Ստաժավորմանը լիարժեք մասնակցողներին կտրվեն վկայականներ։
Ստաժավորման նպատակով կարող են դիմել`

• վրացերենին ու հայերենին գրավոր և բանավոր բարձր մակարդակով տիրապետող (ռուսերենի ու անգլերենի իմացությունը ցանկալի է) անձինք:
• Լրագրության, քաղաքացիական ակտիվիզմի փորձառությունը ցանկալի է։

Ստաժավորման ծրագրին մասնակցելու համար անհրաժեշտ է Ալիք Մեդիա»-ի էլեկտրոնային հասցեին ուղարկել ձեր կենսագրական տվյալները (CV) և 250-350 բառի սահմաններում մոտիվացիոն նամակ հայերեն և վրացերեն` info@aliq.ge էլ.հասցեին։

Դիմումների վերջնաժամկետը դեկտեմբերի 25-ն է։ 

Հայտերը կուսումնասիրվեն, և ծրագրի մասնակցության առաջին փուլը հաղթահարած մասնակիցները կտեղեկացվեն հունվարի 10-ին, որից հետո կմասնակցեն հարցազրույցի փուլին։

Ընտրված լավագույն մասնակիցների համար ստաժավորման գործընթացը կմեկնարկի հունվարի 15-ից։

Ստաժավորման գործընթացը լինելու է հիբրիդային՝ առցանց ու ֆիզիկական ռեժիմով: Տեղերը սահմանափակ են. ընտրվելու է միայն 3 մասնակից։

Մեր թիմը սիրով սպասում է ձեր հայտերին։

Հարցերի համար գրեք info@aliq.ge հասցեով։