2023 թվականի հոկտեմբերի 21-ին Սամցխե-Ջավախեթիի Ախալցիխե քաղաքում «Էլկանա» կենսաբանական ֆերմաների ասոցիացիան Ախալցիխեի քաղաքապետարանի և Սամցխե-Ջավախեթիի ուղղությունների կառավարման կազմակերպության հետ համատեղ կանցկացնի «Հացի փառատոն»: Այս տեղեկությունը տարածել է Վրաստանի զբոսաշրջության ազգային վարչությունը։
Ըստ հաղորդագրության՝ «Հացի փառատոնը» մեկօրյա է, 2010 թվականից «Էլկանա»-ի նախաձեռնությամբ Ախալցիխեում անցկացվում է արդեն հինգերորդ անգամ։ Փառատոնի նպատակն է խթանել ցորենի տեղական սորտերի վերականգնումն ու առաջմղումը, հնարավորինս շատ ֆերմերների ներգրավել այդ գործունեության մեջ և նպաստել տեղական արտադրանքի/կարճ, կոոպերատիվ մատակարարման շղթաների վաճառքին:
«Փառատոնի այցելուները կծանոթանան ցորենի և տեղական սորտերի էնդեմիկ տեսակներին, դրանց կարևորությանը և խնամքի ու մշակման կանոններին, կհամտեսեն ցորենի տարբեր տեսակներով տեղում թխված տեղական արտադրանքը և Սամցխե-Ջավախեթիի ավանդական ուտեստները։ Փառատոնին կանցկացվեն ֆերմերների արտադրած ապրանքների, ինչպես նաև ձեռագործ աշխատանքների ցուցահանդես-վաճառք և այլ հետաքրքիր միջոցառումներ», — գրված է հաղորդագրության մեջ։
Փառատոնի ընթացքում և ավարտին տեղի կունենա համերգ՝ տեղի և հրավիրված համույթների մասնակցությամբ, իսկ միջոցառման ընթացքում կներկայացվի Ախալցիխեի պետական տիկնիկային թատրոնի բեմադրությունը։
