Ռուսաստանը միայնակ է որոշում կայացրել չվերթերը վերականգնել և առանց վիզայի ռեժիմ սահմանել, արձագանքելով Ռուսաստանի արտաքին գործերի նախարարի Սերգեյ Լավրովի հայտարարությանը, ասել է Վրաստանի վարչապետ Իրակլի Ղարիբաշվիլին:
Կառավարության ղեկավարն ընդգծել է՝ դա Ռուսաստանի կառավարության որոշումն է եղել: Ըստ նրա՝ Վրաստանի կառավարության անունից ոչ ոք պաշտոնական բանակցություններ չի վարել:
«Հիշեցնեմ, որ ՌԴ նախագահն ասել էր, որ իր միանձնյա որոշումն է՝ վերականգնել առանց վիզայի ռեժիմը և թռիչքները։ Այն, ինչ այսօր ասաց պարոն Լավրովը, փաստի արձանագրում է, այսինքն, այս համաձայնագիրն, իհարկե, ստորագրվել է Վրաստանի կառավարության հետ։ Մասնավորապես, էկոնոմիկայի նախարարության ավիացիոն գործակալությունը, բնականաբար, համաձայնություն է տվել համապատասխան գերատեսչությանը և համապատասխան ռուսական ընկերություններին։ Խոսքն այս համաձայնագրի և դրա անհասկանալի հատվածի մասին է»,- ասել է վարչապետը:
Այսօր Լավրովը հայտարարել է, որ Վրաստանի կառավարության հետ համաձայնեցվել են Ռուսաստանի և Վրաստանի միջև թռիչքների վերականգնումը և վիզային ռեժիմի չեղարկումը։ Ըստ Լավրովի՝ Թբիլիսիի ներկայիս իշխանությունները շահագրգռված են Ռուսաստանի հետ հարաբերությունների կարգավորմամբ։
