Հայաստանի արտգործնախարար Արարատ Միրզոյանը ցավակցել է վրաց ժողովրդին և իշխանություններին՝ Ռաճայի շրջանում ողբերգական աղետի զոհերի կապակցությամբ:
«Խորապես վշտացած եմ Վրաստանի Ռաճայի շրջանում մարդկային կյանքեր խլած աղետի լուրից:
Ցավակցություն եմ հայտնում եղբայրական վրաց ժողովրդին և Վրաստանի իշխանություններին այս դժվարին պահին, զոհվածների հարազատներին տոկունություն և համբերություն մաղթում», — թվիթերի միկրոբլոգում վրացերենով գրել է Միրզոյանը։
ღრმა მწუხარებით შევიტყვე #რაჭა’ს რეგიონში მომხდარი სტიქიის შესახებ, რომელმაც ადამიანების სიცოცხლე შეიწირა.
ვუსამძიმრებ მოძმე #ქართველ ხალხს და #საქართველო’ს ხელისუფლებას ამ მძიმე წუთებში, ხოლო დაღუპულთა ნათესავებს გამძლეობას და მოთმინებას ვუსურვებ. 🇦🇲🇬🇪 pic.twitter.com/P0e1edkF01
— Ararat Mirzoyan (@AraratMirzoyan) August 4, 2023
Ժամը 16։00-ի դրությամբ Շովիում զոհերի թիվը հասել է 11-ի: Որոնողական աշխատանքները շարունակվում են։
Երեկ՝ օգոստոսի 3-ին, ժամը 16:00-ի սահմաններում տեղեկություն տարածվեց, որ արևմտյան Վրաստանի Շովի բարձրլեռնային քաղաքում սողանքային գործընթացներ են ակտիվացել: Փրկարարական աշխատանքները սկսվել են ծանուցումից մոտ 3 ժամ անց։ Այսօր՝ օգոստոսի 4-ին, վարչապետ Իրակլի Ղարիբաշվիլին մեկնել է աղետի գոտի։
Աղետի գոտում 25 մարդ անհետ կորած է համարվում։
