Վրաստանի վարչապետ Իրակլի Ղարիբաշվիլին մասնակցել է Վրաստանի փաստաբանների միության նոր գրասենյակի՝ Փաստաբանների տան բացման արարողությանը։
Կառավարության ղեկավարն ընդգծել է, որ Փաստաբանների ասոցիացիան, որն արդեն ունի ավելի քան 5000 անդամ, կարևոր դեր է խաղում մարդու իրավունքների պաշտպանության, օրենքի գերակայության ամրապնդման և ընդհանրապես անկախության ապահովման գործում։
«Դուք՝ Վրաստանի փաստաբաններդ, պատվով շարունակում եք անկախ փաստաբանության ավանդույթները, որոնց հիմքերը դրվել են ավելի քան հարյուր տարի առաջ՝ Առաջին Հանրապետության օրոք։ Փաստաբանների ամենօրյա աշխատանքով դուք անգնահատելի ներդրում ունեք Վրաստանում ժողովրդավարության և իրավական կայունության ամրապնդման գործում։ Սրա համար ուզում եմ կառավարության անունից ևս մեկ անգամ շնորհակալություն հայտնել ձեզ»,- ասել է վարչապետը։
