Ոստիկանի նկատմամբ բռնություն գործադրելու մեղադրանքով կալանավորված մարտյան ցույցերի մասնակից Լազարե Գրիգորիադիսի գործի առարկայական վերանայման առաջին նիստը կկայանա մայիսի 18-ին, ժամը 11։00-ին:

Այս գործը քննելու է դատավոր Զվիադ Շարաձեն, որը 2019 թվականից մինչև կենսաթոշակային տարիքի լրանալը նշանակված է այս պաշտոնում։

Երեկ՝ մայիսի 8-ին՛ դատարանում պետք է սկսվեր Գրիգորիադիսի գործի բովանդակային քննությունը, սակայն գործընթացը հետաձգվել է, քանի որ փաստաբանները բողոքարկել են որոշումը, որով դատարանը մերժել էր Սամխարաուլիի Ազգային բյուրոյում դեմքի ճանաչման փորձաքննություն անցկացնել։

Ի դեպ, Գրիգորիադիսը մեղադրվում է ոստիկանների առողջությունը խաթարելու և պետական ​​գույքը ոչնչացնելու համար։

Մարտի 7-9-ի գործով Քրեական օրենսգրքով կալանավորվել է 6 անձ, որոնցից 5-ը գրավի դիմաց ազատ են արձակվել։

Հիշեցնենք՝ Վրաստանում, հատկապես Թբիլիսիում, խորհրդարանի կողմից «Օտարերկրյա ազդեցության թափանցիկության» օրինագծի առաջին ընթերցումից հետո՝ մարտի 7-8-9-ին զանգվածային բողոքի ցույցեր են տեղի ունեցել։ Օրենքը նախատեսում էր Վրաստանում ստեղծել օտարերկրյա ազդեցության գործակալների ռեգիստր, որտեղ էլ ՀԿ-ներն ու ԶԼՄ-ները պարտավոր կլինեին գրանցվել: Հրաժարվելու դեպքում՝ նրանց կգրանցեին մեխանիկորեն, այնուհետև կտուգանեին 25 հազար լարիով, իսկ տուգանքը չվճարելու դեպքում՝ ևս տասը հազարով: Այս տուգանքը չվճարելու դեպքում կազմակերպության բոլոր հաշվեհամարները կարգելափակվեին:

Քաղաքական հաշվեհարդա՞ր․ պահանջում են ազատ արձակել ցույցի մասնակցին