Պաշտոնական այցով Արգենտինա մեկնած Վրաստանի գլխավոր դատախազ Իրակլի Շոթաձեն հանդիպել է Բուենոս Այրեսի գլխավոր դատախազի և Դատախազների միջազգային ասոցիացիայի (IAP) նախագահ Խուան Բաուտիստա Մահիկեսի հետ, հատնում է Վրաստանի գլխավոր դատախազությունը:
Տեղեկության համաձայն, հանդիպմանը մասնակցել են գլխավոր դատախազի առաջին տեղակալ Բակուր Աբուլաձեն, միջազգային հարաբերությունների և իրավական ապահովման վարչության պետ Իրակլի Չիլինգարաշվիլին և Բուենոս Այրեսի գլխավոր դատախազության ներկայացուցիչներ։
Հանդիպմանը կողմերը խոսել են կազմակերպված հանցավորության դեմ պայքարի ոլորտում համագործակցության կարևորության մասին և պատրաստակամություն հայտնել այդ նպատակով ապագայում համատեղ միջոցառումներ իրականացնել։ Հանդիպման մասնակիցները նաև կիսվել են դատախազության կառուցվածքային դասավորության և կազմակերպչական այլ հարցերի վերաբերյալ իրենց փորձով։
«Այցի շրջանակներում Վրաստանի գլխավոր դատախազ Իրակլի Շոթաձեն և Բուենոս Այրեսի գլխավոր դատախազ Խուան Բաուտիստա Մահիկեսը ստորագրել են փոխադարձ համագործակցության համաձայնագիր, որի հիման վրա կողմերը կկիսվեն տեխնիկական տեղեկատվության, գիտելիքի, փորձ փոխանակման և ընդհանուր հետաքրքրություն ներկայացնող այլ հարցերի վերաբերյալ, ինչպես նաև պատրաստակամություն են հայտնել համատեղ հետազոտություններ, թրեյնինգներ, սեմինարներ և կրթական այլ միջոցառումների պլանավորելու համար»,- նշված է տեղեկության մեջ:
Այցի շրջանակներում Վրաստանի գլխավոր դատախազության ներկայացուցիչներն այցելել են նաև Բուենոս Այրեսի դատախազության քննչական կենտրոն և դատաբժշկական փորձաքննության լաբորատորիա, որտեղ ծանոթացել են ապացույցների ձեռքբերման և համապատասխան փորձաքննությունների անցկացման հետ կապված տեղական փորձին.
«Կիբերհանցագործության դեմ պայքարի մասնագիտացված ստորաբաժանման ներկայացուցիչները վրացի գործընկերներին տեղեկացրել են էլեկտրոնային ապացույցների ձեռքբերման և հետաքննության գործընթացում արհեստական ինտելեկտի օգտագործման մասին։ Վրաստանի դատախազության ներկայացուցիչներն իրենց հերթին արգենտինացի գործընկերների հետ կիսվել են կիբերհանցագործությունների հետաքննության և ոլորտի վրացական լավագույն փորձով։
Այցի շրջանակներում հանդիպում է կայացել նաև Բուենոս Այրեսի Գերագույն դատարանում, որտեղ արգենտինացի դատավորները խոսել են արդարադատության ոլորտում իրենց դերի և գործառույթների մասին»:
