Աշխատավորների միջազգային համերաշխության օրը՝ մայիսի 1-ին, արհմիությունների հանրահավաք է տեղի ունեցել արժանապատիվ նվազագույն աշխատավարձի, սոցիալական երկխոսության միջոցով առաջադեմ հարկերի սահմանման և մայիսի 1-ը պետական տոն հռչակելու պահանջներով։
Այս տարի վրացական արհմիությունների կազմակերպած ցույցին միացել են արհմիությունների ղեկավարներ աշխարհի տարբեր երկրներից և վրացի գործընկերներ Վրաստանի տարբեր շրջաններից։
Հանրահավաքի մասնակիցները հավաքվել են Թբիլիսիի Առաջին Հանրապետության հրապարակում (նախկին «Վարդերի հեղափոխության» հրապարակ) մոտ, իսկ ավելի ուշ շարժվել են դեպի խորհրդարան։
Արհմիությունների միավորման նախագահ Իրակլի Պետրիաշվիլին ցույցի մասնակիցներին ներկայացրել է մանիֆեստը, որն ուղարկել է Վրաստանի վարչապետին ու խորհրդարանին։
«Չնայած այն հանգամանքին, որ Վրաստանում աշխատողների համար բազմաթիվ մարտահրավերներ կան, այսօր մեր թեման համերաշխությունն էր 131 հազար 841 մարդու հետ, որոնք ստանում են 500 լարիից ցածր աշխատավարձ։ Նաև 12 հազար 500-ից ավելի մարդ 100 լարիից ցածր աշխատավարձ է ստանում, իսկ 277 մեծահարուստ՝ 100 հազարից ավելի միջին եկամուտ ունեն։
Երկիրը պետք է համապատասխան մեխանիզմներ մշակի: Արհմիություններն ասում են՝ համարժեք նվազագույն աշխատավարձ, այսինքն՝ այսօրվա տվյալներով միջին աշխատավարձի 40 տոկոսը, որը կազմում է 636 լարի, միաժամանակ` պրոգրեսիվ հարկեր»,- ասել է Պետրիաշվիլին։
Ի դեպ, պրոգրեսիվ հարկում նշանակում է, որ նրանք, ովքեր ավելի բարձր եկամուտ ունեն, ավելի շատ հարկ են վճարում որպես տոկոս, մինչդեռ նվազագույն աշխատավարձը ֆիքսված աշխատավարձ է, որից ցածր գործատուները չեն կարող վճարել:
Արհմիությունների պահանջներն են.
- աշխատողներին արժանապատիվ նվազագույն աշխատավարձի ապահովում,
- գործազրկության նպաստների որոշում,
- գենդերային հավասարության ապահովում, կանանց և տղամարդկանց աշխատավարձերի տարբերությունների կրճատում և վերացում,
- անցում պրոգրեսիվ եկամտահարկի,
- խրախուսել կոլեկտիվ բանակցությունների և սոցիալական երկխոսության խրախուսում ու դրա հաստատման նպաստում՝ որպես սոցիալական մշակույթի մաս,
- ոչ ֆորմալ զբաղվածության ձևավորում:
