Լեհաստանի արտաքին գործերի նախարար Զբիգնև Ռաուն հայտարարել է, որ իր երկիրը սատարում է վրացական հասարակության եվրաինտեգրվելու ձգտմանը։ Այս թեմայով նա խոսել է Վրաստանի արտաքին գործերի նախարարությունում իր վրացի գործընկերոջ հետ հանդիպումից հետո կայացած ճեպազրույցում։
«Լեհաստանը հետևողականորեն աջակցում է և ապագայում կշարունակի աջակցել վրացական հասարակության ձգտմանը դեպի եվրոպական և անդրատլանտյան ինտեգրում: Մենք կարծում ենք, որ Վրաստանի ապագա անդամակցությունը Եվրամիությանը և ՆԱՏՕ-ին բխում է ոչ միայն Վրաստանի, այլև միջազգային կազմակերպության շահերից», — ասել է Լեհաստանի արտաքին գործերի նախարարը։
Նա նաև նշել է, որ հանդիպման ընթացքում խոսվել է նաեւ Վրաստանի ազատազրկված երրորդ նախագահի մասին։
Լեհաստանի արտաքին գործերի նախարարը Վրաստան է ժամանել ապրիլի 26-ին և կհյուրընկալվի մինչև ապրիլի 28-ը։
