Արժույթի միջազգային հիմնադրամի (IMF) կանխատեսումների համաձայն, 2023 թվականին համաշխարհային տնտեսությունը կաճի 2,8 տոկոսով, ինչը 0,6 տոկոսային կետով ցածր կլինի 2022 թվականի 3,4 տոկոս աճից։

IMF-ի տվյալներով՝ տնտեսության աճը կնվազի նաև Վրաստանում, երկու անընդմեջ երկնիշ տնտեսական աճից հետո 2023 թվականին, ըստ IMF-ի՝ Վրաստանի տնտեսությունը կաճի 4 տոկոսով, ինչը 1 տոկոսային կետով պակաս է կառավարության կանխատեսած աճից։

Նույն տվյալների համաձայն, այս աճի տեմպերով Վրաստանն աշխարհում կզբաղեցնի 62-րդ տեղը։ Համեմատության համար նշենք, որ 2022 թվականին Վրաստանը 10,1 տոկոս տնտեսական աճով զբաղեցրել է տասնմեկերորդ տեղն աշխարհում։

IMF-ի գնահատականներով, 2023 թվականին Վրաստանի մեկ շնչին ընկնող համախառն ներքին արդյունքը (ՀՆԱ) ընթացիկ գներով կկազմի 7 600 դոլար, ինչը 929 դոլարով ավելի է նախորդ տարվա համեմատ։ Այս ցուցանիշով Վրաստանը ՀՆԱ-ով աշխարհում կզբաղեցնի 92-րդ տեղը։ Համեմատության համար նշենք, որ անցյալ տարի Վրաստանը ՀՆԱ-ով աշխարհում 95-րդն էր։