Վարչապետ Իրակլի Ղարիբաշվիլին հայտարարություն է տարածել իշխող «Վրացական երազանք»-ի հիմնադրման 11-ամյակի կապակցությամբ։
Ղարիբաշվիլիի խոսքով, Բիձինա Իվանիշվիլիի գլխավորությամբ «Վրացական երազանք-Ժողովրդավարական Վրաստան» քաղաքական ուժի հիմնադրումը նշանակալի շրջադարձային կետ էր Վրաստանի պետական զարգացման ճանապարհին։
«Վրաստանի քաղաքացիների ճնշող մեծամասնության աջակցությամբ մենք խաղաղ կերպով փոխարինեցինք հակապետական ռեժիմը և իշխանության գալուց անմիջապես հետո սկսեցինք վարել ազգային քաղաքականություն՝ ինքնիշխանության ամրապնդում, խաղաղության և կայունության ապահովում։
Անկախության վերականգնումից հետո սա շարունակական խաղաղության միակ շրջանն է, որը թույլ է տալիս մեր ողջ ուժերը նվիրել բոլոր ոլորտների զարգացմանը։ Այսօր մենք ականատես ենք զգալի առաջընթացի բոլոր ուղղություններով՝ բարեկեցություն, սոցիալական արդարություն և ժողովրդավարություն», — ասված է Ղարիբաշվիլիի տարածած հայտարարության մեջ։
