«Իֆտարը նշելը մեր միասնության, մեր եղբայրության և բարեկամության ևս մեկ ապացույց է»,- ասել է վարչապետ Իրակլի Ղարիբաշվիլին Վրաստանի մահմեդական համայնքի պատվին կազմակերպված «Իֆտար»-ի ժամանակ իր ելույթում:

Կառավարության ղեկավարի խոսքով, Վրաստանը պատմականորեն խաղաղ, կրոնական համակեցության երկիր և հանդուրժողականության կենտրոն է։

«Սրտանց շնորհավորում ենք ձեզ Ռամադան սուրբ ամսվա կապակցությամբ և անչափ շնորհակալ ենք «Իֆտար»-ի գալու համար։ Առանձնահատուկ հարգանքով եմ ուզում ողջունել իմ ընկերներին, մեր սիրելի մահմեդական համայնքի հոգևոր առաջնորդներին։ Ուզում եմ շնորհավորել բոլոր մահմեդականներին, մեր երկրի բոլոր քաղաքացիներին սուրբ Ռամադան ամսվա կապակցությամբ»,- ասել է վարչապետը:

Ղարիբաշվիլին ընդգծել է՝ Վրաստանն աչքի է ընկնում մահմեդական համայնքի միասնությամբ։ Նրա խոսքով, հողի վրա խաղաղ գոյակցում են սունիներն ու շիաները, վրացիները, ադրբեջանցիները, քիստոնյաները և ինգուշ մուսուլմանները:

Նա նաև նշել է, որ կրոնական գործակալության հիմնադրումից ի վեր մահմեդական համայնքին է հանձնվել 228 մզկիթ, իսկ մոտ 70 մզկիթ պետք է հանձնվի։

«Իմ առաջին վարչապետության ժամանակ Աջարիայում մուսուլմանական համայնքի համար լավ կենտրոն ենք ստեղծել, հիմա հողը փոխանցել ենք Թբիլիսիին։

Կրկին շնորհավորում եմ, մաղթում խաղաղություն, առողջություն և բարեկեցություն։ Աստված մեզ պահապան»,- ասել է կառավարության ղեկավարը։

Ի դեպ, «Իֆտար»-ը իսլամի հետևորդների երեկոյան սննդի ընդունումն է ռամադան ամսին։ Արարողությունը տեղի է ունենում տեղական ժամանակով երեկոյան աղոթքից հետո։