2023 թվականի փետրվարին, Վրաստանում նախորդ տարվա համապատասխան ժամանակաշրջանի համեմատ, համախառն ներքին արտադրանքի (ՀՆԱ) աճը կազմել է 5,8 տոկոս, իսկ հունվար-փետրվարի միջին ցուցանիշը կազմել է 7,1 տոկոս։ Այս մասին տեղեկություն է փոխանցում Վրաստանի ազգային վիճակագրական ծառայությունը։
Տնտեսական աճը պայմանավորված է հետևյալ ոլորտներում եկամուտների ավելացմամբ՝ շինարարություն, ֆինանսական և ապահովագրական գործունեություն, առևտուր, տրանսպորտ և պահեստավորում։ Նվազման միտում է նկատվել արդյունաբերության, անշարժ գույքի և գիտատեխնիկական գործունեության ոլորտներում։
Փետրվարին գրանցված նոր ձեռնարկությունների թիվը կազմել է 6 537, որը անցած տարվա համեմատ աճել է 57,3 տոկոսով:
