Վրաստանի արտաքին գործերի նախարար Իլիա Դարչիաշվիլին Նյու Յորք կատարած այցի շրջանակներում հանդիպել է ՄԱԿ-ի Գլխավոր ասամբլեայի 77-րդ նստաշրջանի նախագահ Չաբա Կորոշիին։ Այս տեղեկությունը տարածել է Վրաստանի ԱԳՆ-ն։
Նախարարության տվյալներով՝ հանդիպմանը կողմերը նշել են ՄԱԿ-ի Գլխավոր ասամբլեայի հատուկ դերը աշխարհում խաղաղության և կայունության ապահովման գործում, ինչը ՄԱԿ-ի Գլխավոր ասամբլեայի արտահերթ նստաշրջանի ևս մեկ արտահայտություն է պատերազմի տարելիցի կապակցությամբ։
Տեղեկությունների համաձայն՝ հանդիպմանը կողմերը քննարկել են նաև ՄԱԿ-ի Գլխավոր ասամբլեայի 77-րդ նստաշրջանի նախագահության առաջնահերթությունները։
«Կողմերը մասնավորապես նշել են ՄԱԿ-ի ներգրավվածությունը Ժնևում միջազգային բանակցությունների գործընթացում և ընդգծել այս ձևաչափով առաջընթացի անհրաժեշտությունը 2008 թվականի օգոստոսի 12-ի զինադադարի համաձայնագրի կատարման և տեղահանվածների արժանապատիվ ու անվտանգ վերադարձի ուղղությամբ»,- նշվում է հաղորդագրության մեջ։
