Վրաստանում ԵՄ դեսպան Պավել Հերչինսկին, Interpresnews.ge-ին տված հարցազրույցում անդրադառնալով Վրաստանի թեկնածուի կարգավիճակին, ասել է, որ Վրաստանը դեռ բավական ժամանակ ունի ապացուցելու համար, որ առաջընթաց է գրանցել և պատրաստ է նստել սեղանի շուրջը՝ որպես Եվրամիության ապագա անդամ:
Ըստ դեսպանի, կարծիքը, որը հրապարակվելու է այս տարվա հոկտեմբերին, կլինի «ապաքաղաքական և արժանիքների վրա հիմնված»։
«Դեռ մի քանի ամիս կա, ուստի դեռ ժամանակ կա, և ես ուզում եմ կոչ անել Վրաստանում բոլորին՝ և՛ իշխանությանը, և՛ ընդդիմությանը, միասին աշխատել։ Սա պահանջում է իշխանության կողմից ներառականություն և կառուցողական մոտեցում ընդդիմությանը։
Անդամ 27 երկրները որոշումը կընդունեն մինչև տարեվերջ՝ միաձայնության հիման վրա։ Իմ ուղերձը սա է. դեռ շատ ժամանակ կա ապացուցելու, որ Վրաստանն առաջընթաց է գրանցել և պատրաստ է սեղանի շուրջը նստել որպես Եվրամիության ապագա անդամ», — ընդգծել է Հերչինսկին։
Կարդացեք նաև՝
