Վրաստանի մայրաքաղաք Թբիլիսիում գտնվող Դիդուբե թաղամասի կամրջի վերականգնման համար քաղաքապետարանը նոր մրցույթ է հայտարարել: Այս անգամ մրցույթի արժեքը կազմում է 4,864 մլն լարի, ինչը 1,688 մլն լարիով ավելի է նախորդից։

Հարկ է նշել, որ Թբիլիսիում, այսպես կոչված, Դիդուբեի կամրջի վերականգնման համար քաղաքապետարանը մրցույթ է հայտարարել արդեն երրորդ անգամ, այդ թվում՝ այս տարի արդեն երկու անգամ։

Առաջին մրցույթը հայտարարվել էր 2022 թվականի փետրվարին, սակայն դա չկայացավ, և կամրջի վերականգնման մեկնարկը նույնպես հետաձգվեց։ Այն ժամանակ գնման նախահաշվային արժեքը, ըստ մրցութային փաստաթղթերի, կազմել է 2 մլն 693 հազար 232 լարի։ Երկրորդ մրցույթը քաղաքապետարանը հայտարարել է 2023 թվականի հունվարին, գնման նախահաշվային արժեքը կազմել է 3 մլն 176 հազար 063 մլն լարի, որը նույնպես չի կայացել:

Իսկ ահա 2023 թվականի փետրվարի 8-ին քաղաքապետարանը հայտարարել է կամրջի վերականգնման երրորդ մրցույթը։ Մրցութային պայմանների համաձայն՝ Դիդուբեի թաղամասի Շալիկաշվիլիի անվան կամրջի վերականգնման աշխատանքների պետական ​​գնման հայտերի ընդունումը կսկսվի փետրվարի 24-ին և կավարտվի մարտի 1-ին։ Գնման նախահաշվային արժեքը կազմում է 4 մլն 864 հազար 623 լարի։

Մրցույթի պայմանների համաձայն՝ աշխատանքների կատարման վերջնաժամկետ է սահմանվում պայմանագրի կնքումից հետո 6 ամիսը։