Վրաստանի արտաքին գործերի նախարար Իլիա Դարչիաշվիլին այցելել է Միացյալ Թագավորություն։
«Wardrop Strategic Dialogue»-ի 8-րդ փուլի շրջանակներում ԱԳ նախարարը հանդիպել է Միացյալ Թագավորության արտաքին գործերի, համագործակցության և զարգացման հարցերով պետքարտուղար Ջեյմս Քլիվերլիի հետ։ Հանդիպմանը կողմերը քննարկել են Վրաստանի և Միացյալ Թագավորության միջև երկկողմ համագործակցության օրակարգը։
«Մենք խոսել ենք մեր երկրների միջև առկա օրակարգի և այլ կարևոր ուղղությունների մասին։ Պլանավորեցինք մեր համագործակցության հետագա անելիքների մասին, խոսեցինք աշխարհի, մեր տարածաշրջանի առջև ծառացած մարտահրավերների վերաբերյալ։
Մենք Միացյալ Թագավորության արտաքին գործերի նախարարի կողմից շատ մեծ աջակցության ունենք», — ասել է Դարչիաշվիլին։
Ուորդրոպի ռազմավարական երկխոսության շրջանակներում Միացյալ Թագավորության և Վրաստանի միջև ստորագրվել են ռեադմիսիայի մասին պայմանագիր և երկու երկրների միջև օդային հաղորդակցության համաձայնագիր:
«Wardrop Strategic Dialogue»-ի Վրաստանի և Միացյալ Թագավորության միջև հարաբերությունների հիմնական հարթակն է, որը ներառում է համագործակցության գրեթե բոլոր ուղղությունները՝ քաղաքական երկխոսություն, արտաքին քաղաքականություն, պաշտպանության և անվտանգության հարցեր, առևտրատնտեսական հարաբերություններ, կրթություն և մշակույթ և այլն։ 2014 թվականից ի վեր ամեն տարի երկու երկրների պատվիրակությունները խոսում են հարաբերությունների առաջընթացի մասին և քննարկում ապագա համագործակցության ոլորտները։
